السعاده

ارجو مراعاه قوانين المنتدي وعدم الاخلال بها وشكرا
المدير

اهلا بالاعضاء الجدد وويارب تنبسطوا معانا في المنتدي وياريت كل واحد يعرف نفسه في قسم التعارف

موضوع: السعاده الجمعة أغسطس 29, 2008 2:18 pm

يا جماعه الموضوع ده عجبنى اوى قولت اخلى اخواتى الحلوين يشاركونى فيه

مع الوقت اتأكدت ان السعاده مسئله نسبيه بتحتلف من شخص للتاني يعني اللي بيسعدني ممكن ميسعدشي غيري والعكس صحيح

"وللسعاده وجوه كثيره "

"احيانا بنشعر بالاهارق النفسي وبنتمني انه يكون بداله الاف المرات من الارهاق الجسدي لمجرد الاحساس بالراحه النفسيه "

وهتكلم عن الموضع من القلب

من شهرين كده كنت بمر بظروف نفسيه يعني مش حلوه قوي وكنت لسه هنزل شغل جديد ولسه فسخه خطوبتي يعني بمعني اصحي نهيت حكايه وبدئت حكايه تانيه خالص

خايفه من تجربة الشغل الجديد وخصوصا ان معنديش اي خبره في المجال ده بالرغم انه تخصصي

نزله لسه طازه في كل حاجه

وانا واقفه مستنيه عشان هبدء الشغل كان معايا زمايلي في الشغل وحد منهم قال لبنت لما يجي الدكتور بس رني عليه البنت دي بتشتغل في المكان ده

المهم البنت ضحكت بكل ببراءه وقالت معيش موبايل

هجيبه لما اتخطب

بصيت لها وابتسمت لفت نظري كلامها قوي وخصوصا انها بتتكلم بمنتهي البراءه

قلت لها :- ليه هتجيبي موبايل لما تنخطبي ؟؟

قالت لي :- عشان اكلم خطيبي عليه وهو يكلمني , وكده هلاقي حد يكلمني عليه

وهكون فرحانه طبعا

كلامها فعلا كله كان بريء وبسيط

بيني وبين نفسي سئلت !

منتهي سعادة البنوته دي انها تتخطب وتجيب موبايل خطيبها يكلمها عليه

حلم بسيط وصغير

مييجش علي بال كتير مننا عندهم موبايلات ومخطوبين وحاجات كتيره جدااا وتلاقي عندهم مشاكل اكتر واحلام اكتر من كده بكتيرر!

خرجت من المكان ده وانا فعلا متأثره وبفكر في البنت دي

********

في مكان تاني كنت واقفه برده اتكلمت بالصدفه مع بنت في العشرينات كده , كانت بتشتغل عند برده وجت سيره المطبخ والاكل والحوارات دي

المهم البنت دي طلعت مامتها متوافيه وهي بتشتغل وبتخدم اخواتها مكان مامتها ومش بتفكر في الجواز لحد ما يكبرو وخصوصا ان لها اخ صغير في رابعه ابتدائي

البنوته دي طلعت بتحب اخوها الصغير قوي وبتعامله زي ما تكون مامته وقالت ان اخوها ده شاطر ونبيه فبسئلها نفسه يطلع ايه

راحت قايله لي " حلاق"

بصيت لها باستغراب كونت لسه هعلق علي كلامها يعني اواسيها ان ده تفكير اخوها الصغير واسئلها ليه ؟

لقتها بتقولي وانا فرحانه جدااا لانه في الاجازه بيشتغل عند الحلاق وبيسكب والولد فرحان وعاوز يطلع حلاق عشان يكسب فلوس كتير لان الحلاقين بيكسبوا

قلت لها بس طبعا من غير استنكار وانتي فرحانه

قالت لي طبعا هو يدخل دبلوم ويتعلم صنعه وكده يطلع راجل قد الدنيا

وخصوصا ان هو في الاجازه بيسعدني وبيتعامل زي الرجاله

قلت لها ربنا يوفقه

بس ممكن يتعلم صانعه وتخليه يكمل تعليمه يعني يدخل ثانويه عامه وبعدها كليه وكده جمع بين الاتنين

قالت لي : مالوش لازمه , لانه مش هيشتغل بالشهاده دي

هو هيطلع حلاق وهيبقي راجل كسيب

قلت لها ربنا يوفقه ويوفقك وطبعا من قلبي اتمني لها كل خير

سعادتها واحلامها بسيطه جدااا مقارنتا باحلام ناس كتير

وسعادتها اتأكدت ان السعاده مسئله نسبيه جدااا

الناس اللي اتكلمت عنهم دي قابلتهم للحظات وبنشوفهم كتير

بنركب معاهم في مواصلات او بالصدفه بنقابلهم في مصالح حكوميه واحنا بنخلص شغل او ورق

احلامهم بسيطه جداا لكن دي بتكون منتهي حلمهم

بس لو فكرنا فيهم بجد

هنغير تفكيرنا في حاجات كتير

ولو فكرنا في اللي بيسعدنا وايه اللي ممكن يسعد غير حتي لو كانت اشياء بسيطه بس بتسعدهم

ساعتها بس هنحس بالرضا اكتر

وبالنعم اللي في ايدينا واحنا مش حاسين بيها وغير بيتمني ربعها وبكتون منتهي احلامهم

وفعلا للسعاده وجوه كثيره