الموضوع ده هيعجبك

بعد التدقيق الشديد في شريط القنوات الفضائيه!!!!شريط الشات اللي بيبقي متلقح في اخر الشاشه!!!وبعد التتنيح بالساعات قدام شاشه التليفزيون استطعت بقدرتي العبقريه والفزه من نوعها ان استنتج ان نص الشعب !!!!!!!!!!!حتما غبي!!!!!!!!وعايز الحرق
لان اللي بيحصل ده مش طبيعي!!!!!انا قريت شويه جمليا جماعه بجد تنحت!!!!وبين كل جمله وجمله كان هيجيلي شلل
اليكم الشلل التالي
1_
!!!!!!!!!!ممكن حب اسكندراني!!!!!!!!!!
ايوه وماله!!!! طبعا زي ما انتوعارفين فيه حب اسكندراني وحب قاهري وفلاحي وفيه صعيدي كمان!!!!!!!!واذا خرجنا بره الحدود شويه هتلاقي حب لبناني وامريكي وغيره ومقولكش بقي علي الحب المريخي!!!!!!ياسلااااااااااااااام!!!!!!كده الحب ده
الله عليه بقي لو كان بالفراخ ولابالكباب وفيه برضه بالشطه واللمون بيبقي فظيع خصوصا لما يتقطع عليه طماطم


2_
انا 75 سنه ممكن اتعرف علي ليدي مناسبه!!!!!!!!
75 سنه يخرب بيته وقادر يمسك الموبايل ويبعت مسج!!!!!!!! وماله يا جدو ممكن تتعرف علي كركوبه مناسبه

3_
ممكن واحده جميله للصداقه والحب ويا ريت كمان للسفر!!!!!!!
اه ممكن طبعا وياتري حضرتك عايزها كام سلندر!!!!!!

4_
انا شاب متدين ممكن ليدي عندها شقه!!!!
اه ممكن طبعا !!!!!وفيه كمان ليدي وعليها شقه هديه بس يا تري ايه مواصفات الشقه اللي انت عايزها!!!!!!!

5_
انا دلوعه وشبه نانسي عجرم ممكن اتعرف !!!!!!!!
اه ونص!!ويا تري واخده من نانسي ايه قفاها ولا كعب رجليها!!!!!!!!
اتدلعي يا اختي وماله ولما حضرتك شبه نانسي عجرم دي ليه بتعرضي نفسك علي الشاشه!!!!!!ولا يمكن الرجاله انتصوا في نظرهم

6_
انا في اعدادي ممكن اتعرف علي بنت حلوه!!!!!
هيا جت عليك انت يعني!!!!!!!ويا تري عايزها في سنه كام !!!! في الابتدائي ولا في كي جي وان ! انا بالشكل ده ممكن يجيلي السكر

7_
فلانه0 انا نكديه موت ممكن اتعرف علي نكدي وننكد علي بعض !!!!!
فلان0 انا نكدي موت!!!!!وقعتك سوده ونهارك مش باينله لون!!!!!!
كان نفسي امسكهم هما الجوز وانكد علي اهليهم

8_
معاكي فلان ممكن اعرف اسمك سنك طلباتك!!!!!!
اه وماله انا فلانه يا ابني والنبي اطلبلي واحد كباب واتنين بانيه!!!!!
احم احم ويا ريت كمان لو معاهم جوز حمام!!!!!!!!

9_
انا عايز بنت للارتباط بيضه او سمرا او قمحي متفرقش!!!!!!!
حمرا ممكن!!!!!!!طب ايه رايك في البنفسجي ده نوع حلو وجديد لسه منزلش السوق!!!!

10_
ممكن واحده جميله واستايل عشان احبها!!!!!!
اه وماله انا برده عايز بطاريه للموبايل بتاعي عشان انا قربت اهنج!!!!!!!!!

11_
انا سي السيد بدور علي امينه تسمع الكلام وتقول حاضر!!!!!!
اه وماله حاضر يا سي السيد !!!! بقي حضرتك بتدور علي امينه !!!!!!!!! طب غوووووووووور الله يحرقك!!!!!!!


كلمه اخيره
اللي بيحصل ده كتير وشيء ميقبلوش لا قلب ولا عقل ولا منطق واستهتار واستخفاف بالمشاعر وكذب ملوش نهايه وضحك علي العقول والدهشه ان كل اتنين بينافقوا بعض تحت رايه الحب مع ان كله حب غاليه اوي!!!!!
ايه اللي جري للناس وايه اللي جري للمجتمع؟؟؟؟؟؟؟؟؟؟؟

هههههههههههه
حلو الموضوع يا مان
بس يا ريت بقي لو واحد حب بالسلطه علي الطحينه
اوك؟؟؟؟؟؟

اوك
بس دليفري ولا هتيجي بنفسك؟؟؟؟؟؟؟؟؟

يا سلام هو فيه دليفري كمان
خلاص يبقي دليفري ومتنساش تزود الشطه

اوك يا مان
يوصل حالا

ههههههههه متنسوش تبقوا تعزمونى

هو انت محتاج عزومه ولا ايه يا مان
الدعوه عامه لجميع اعضاء المنتدي
يوجد جميع الانواع
وباسعار رمزيه

مع اني يعني معرقفش ايه البروفيترول ولا ابل باي ده
بس اكيد موجود