تايهه فى دنيا صعبه

ارجو مراعاه قوانين المنتدي وعدم الاخلال بها وشكرا
المدير

اهلا بالاعضاء الجدد وويارب تنبسطوا معانا في المنتدي وياريت كل واحد يعرف نفسه في قسم التعارف

تـــــــايــهه

تايهه وشارده فى خطوتى قدام عنيا دايما قصتى
من زمان لما كنت بريئه كان القلب جامد وجرىء
شايف الجمال فى كل شىء ومدى الامان لكل طريق
ومرت الايام وفاتت وضاعت البرائه وماتت
بدأت الهموم وعلى قلبى زادت ونسيت النوم فى زمان جاحد
بدأت القصه تتغير والقلب الهادى الحنين ابتدى يتحير
بدأت اشوف الناس على الحقيقه بدأت اشوف الناس فى الظلم جريئه
بدأت اشوف الطيبه بتتعيب وليالى وايام وحاجات تشيب
قابلت الحب زى كل انسان وافتكرت انى لقيت الامان
ومع الحب كان صديق كان الونس ليا فى الطريق
وهمت نفسى بحاجات كتير وهمت نفسى ان لسه فيه خير
وهمت نفسى بحاجات كتير افتكرت الناس لسه عندها ضمير
واتارينى كنت سازجه كبيره اكبر من سازجه كنت مغفله كبير
الحب فى لحظه ضاع والصديق اللى بيصبرنى باع
لقيت حقيقه فى الدنيا تايهه عنى حقيقة الوداع
مش عارفه ليه الوداع بس لازم يكون
مش عارفه ليه الخداع فى الدنيا والكون
مش عارفه ليه الناس اللى بنفتكرها اصيله بتخون
ولما اقول اه واتألم الناس تقول عليا مجنونه
كأن الحب الحقيقى فى زماننا بقى جنون
راح الحبيب وغاب ابتديت احس بمعنى العذاب
بس رجعت اصبر نفسى واقول مش كل انسان كداب
ومرت الايام وفاتت وراحت السعاده وغابت
وقلبى لسه برضو صامد
وفى يوم من الايام فى وسط الزحمه والالام
صادفت انسان جديد وحبيته قولت هحقق بيه الاحلام
حبيته من كل قلبى وياما حاجات شهدت بحبى
بس النتيجه ايه االحب كان هو زنبى
عشان اللى حبيته مش عارف قيمة قربى
قولت يمكن يتغير الحال
يمكن تتحقق ليا الامال
وصبرت عليه لحد ما صبرى طال
وابتديت اتفهم انى انسانه ضعيفه
وان نسيانى له محال
وبدأ يجرح ويقسى عليا وبدأ يهدم ويكسر فيا
سامحت وياريتنى ما سامحت ماكانش اتعود على جرحى
نصحت وياما نصحت قولتله فرحك هو فرحى
مسمعش ولا باين مفهمش ولا محسش ولا معرفش
مش عارفه افسر قسوته ولا اعرف فين سكته
استحملت ومش ضعف منى.... ولا فى يوم كان غصب عنى
استحملت عشان انا باقيه عليه... بس للاسف افتكر انى هفضل ليه
مقدرش يفهم انى ممكن اضيع من اديه
واللى ياما خفت منه حصل وقلبى لطريق مسدود وصل
استحملته ومافهمش ان النهايه قربت لحد ما قلبى انكسر
دلوقتى هيعرف قيمتى دلوقتى بعد ما صحيت كرامتى
اتارى التسامح له حدود واتارى الحب كان جريمتى
وادى القصه بتتغير من سىء لأسوأ
فى النهايه قلبى هو اللى اخطأ
وراجع تانى لوحدى عارف
اواجه مصيرى وحزن جارف
بفتح عنيا بس بجد مش شايفه
هشوف ايه ولا ايه ما خلاص
ماتت جوايا كل الحواس
ماتت الرحمه مات اجمل احساس
واتخلق جواياا انسان جديد مالوش اساس
قلبه تحت رجليه وعليه ينداس
ملعون الحب اللى يهدم ويدمر الناس
راح الاصرار على البرائة والحماس
هموت قلبى واهده هد ومش هغير رأيى بجد
انسان جوايا بقى غير الانسان
ماهو لازم نتغير دلوقتى عن زمان
مادام الدنيا عايزه كدا منتغيرش ليه
مادام الناس شايفه كدا هنبقى على ايه
اتغيرنا خلاص واتغير جوانا الاحساس
ومش هرجع زى ما كنت حتى لو فيا اخر الانفاس
وفى النهايه هتعدى الايام وهتفوت
وسط الجروح والهموم والظلم لحد الموت
يبقى على ايه الحياه ياريت نموت
وادى القصه بتستمر
عذاب والم مالوش حدود
ياريت نموت
ياريت نموت