مشاهد داخل المستشفى

ارجو مراعاه قوانين المنتدي وعدم الاخلال بها وشكرا
المدير

اهلا بالاعضاء الجدد وويارب تنبسطوا معانا في المنتدي وياريت كل واحد يعرف نفسه في قسم التعارف

المشهد الأول :
المكان : (( في مستشفى حكومي ))
(( تظهر لافتة مكتوب عليها برجاء الهدوء و السكينة لراحة المرضى ))
(( يدخل مندوب مبيعات ))
المندوب : و معايا كيس حلويات ينفع في أوضة العمليات .. معايا سرنجة حديد تنفع لعضل و وريد .. حد عايز كيس جلوكوز قبل ما أمشي ؟؟
(( يدخل دكتور من كلية الطب و معه الطلاب ))
الدكتور للطلاب : و دلوقتي ؛ كل إللي طبقناه ذظري ع الجثث البلاستيك هنطبقه هنا عملي ع البني آدمين .. كل طالب سماعته في ودنه .. مشرطه في جيبه .. يقفش في المريض إللي يعجبه و يشخص فيه ..
(( يفترش أبو زيد الساعي الأرض بمعدات الشاي و القهوة ))
(( مريض يحتضر و يموت فيلتف حوله الدكتور و الطلاب ))
الدكتور للطلاب : زي ما أنتو شايفين ؛ المريض حصلت له سكتة دماغية و ده بيرجع لموت خلايا المخ .. ع العموم ما حدش مخلل فيها و كله عايم في مية الجبنة .

المشهد الثاني :
(( يدخل دكتور عبشافي نوبطشي العنبر و خلفه الممرضة مرتديا بالطو أبيض دهسه الزمن بأقدامه ))
عبشافي لأبوزيد : واحد شاي بربري يابوزيد .
أبو زيد : كان على عيني يا دكتور .. أصل كيس السكر اتدلق في أوضة العمليات و زمانها دلوقتي بتشغي نمل .. بس ماتقلقش ، إحنا دلقنا جاز في الأركان .
عبشافي : طب كويس .. أهو منه تعقيم برضه .

عبشافي للممرضة و هو يمر على المرضى : كان في مريض ع السرير دا امبارح على ما أعتقد!
الممرضة : دا مات انهارده الصبح و بيسلم عليك .
عبشافي : الله يسلمه .
الممرضة: بالنسبة للمريض إللي خلعناله الزايدة من يومين .. بيقولك إنها طلعت تاني يا دكتور .
عبشافي : دي تاسع مرة أقطمله فيها الزايدة و تطلعله في نفس الأسبوع .. جهزي أوضة العمليات عشان هشدله القولون كله .

عبشافي لمريض : عامل إيه النهاردة ؟
المريض : حرارتي 45 يا دكتور .. أربع ترمومترات أحطهم في بقي و يتحرقوا .
عبشافي : تلاقيهم م النوع المضروب .. همّا كانوا برمة ولا قلاووظ ؟
المريض : لأ .. قلاووظ .
عبشافي للممرضة : إعمليله كمادات ميّة وسخة .
المريض : تصدق و تؤمن بالله يا دكتور ....
عبشافي : إيه ؟!
المريض : إنتو ناس ولاد .. (( تسقط رأسه قبل إكمال الجملة و يموت))
Sad